ज्ञानेश्वर पाटेकर
संतुलन पाषाण शाळेतील विद्यार्थांचा बालदिन मोठ्या आनंददायी वातावरणात गंम्मत जंमत मेळाव्यामध्ये संपन्न झाला,वाघेश्वरनगर नगर येथील कचराडेपो हटवल्यानंतर अँड बी.एम. रेगे यांनी पंधरा दिवसाचा बेमुदत अन्नत्याग सत्याग्रह केला त्याच ठिकाणी मोठ्या उत्सावात कलात्मकतेच्या उंचीवर गंमत जंमत बाल आनंद मेळावा बाल दिनाच्या अवचितत्याने साजरा करण्यात आला.
कार्यक्रमाचे उदघाटन माजी जिल्हा परिषद सदस्य अर्जुन गरुड, भाजप युवा मोर्चा हवेली तालुका अध्यक्ष अनिल सातव, प्रकाश जमदाडे, राष्ट्रवादी कॉग्रेस ( शरदचंद्र पवार गट) सरचिटणीस पुणे शहर, भिम आर्मी पुणे शहर उपाध्यक्ष सतिश भाऊ ढोले, अँड. बी.एम. रेगे अँड पल्लवी रेगे आदींच्या उपस्थितीत दीपक प्रज्वलन व पंडित नेहरूच्या प्रतिमेला पुष्पहार अर्पण करून उदघाटण करण्यात आले. याप्रसंगी मुलांसाठी जादूगार ईश्वर यांचे जादूचे प्रयोग, चार्लीन चापलीन शो, स्टार मेलेडी आर्केस्ट्रा यांनी बहारदार गीते सादर करून मनोरंजन मुलांचे छान ज्या ठिकाणी पूर्वी कचरा डेपो होता त्या ठिकाणी आज मुलांचे अलोट गर्दीमुळे बालकांसहित पालकांचे नंदनवन पहावयास मिळाले. याप्रसंगी तुळजाभवानीनगर, वाघेश्वर नगर, गाडीतळ, सुयोग नगर, गोरे वस्ती येथील सर्व पाषाण शाळांनी कला गुणदर्शनाचे कार्यक्रम सादर करून उपस्थित आमचे मनोरंजन केले. याप्रसंगी राष्ट्रवादी काँग्रेस ओबीसी सेल अध्यक्ष अर्जुन गरुड यांनी संतुलनाचा तीस वर्षाचा संघर्ष आम्ही पाहत असून येथून पुढील काळातही पाठीशी राहण्याचे प्रतिपादन केले तसेच
भाजप युवा मोर्चाचे अनिल सातव यांनी राजकारणी हे स्वार्थी असतात मात्र रेगे भाऊंचा प्रवास निस्वार्थी असल्याचे मत मांडून ते आमचे ज्येष्ठ मार्गदर्शक व गुरु असल्याचे ग्वाही दिली. राष्ट्रवादी सरचिटणीस प्रकाश जमदाडे यांनी मुलांना शुभेच्छा दिल्या. संस्थेच्या संचालिका एडवोकेट पल्लवी रेगे यांनी यापुढील काळात मुलांसाठी संतुलन महिला दगडखाण कौशल्य विकास भवनांमध्ये विविध कौशल्य आधारित कोर्सेस घेण्यात येतील असे आश्वासन दिले,एडवोकेट बी एम रेगे यांनी पुढील काळात मुलांसाठी आधुनिक शिक्षणाचे केंद्र बनवण्यासाठी प्रयत्न करू असे प्रतिपादन केले, कार्यक्रमाच्या समारोपप्रसंगी मुलांचा खाऊ आणि बक्षीस वाटप करून गौरव करण्यात आला
